قصيدة رجاء لا تقول

خاين بلادك رجاءً لا تقول :
إن الوطن روحك .. و إنك تعشقه !.

.و انك إذا حان الوغى شايل حمول
اتضحي بنفسك و مالك تدفقه ...

.لا صفقتك تنفع ولا رقعك طبول :
بعض التجارب علمتنا التفرقة .....

.مو كل من يمدح يلاقي له قبول
لا تختلق إحساس تبغى انصدقه.

.كل مطلبك شهرة و كم فلس و وصول
و مطْلبْكِ من حقْقّه رحت اتلاحقه.

.تهدي له أبياتك على حسب الأصول
و إذا مدحه غيرك تفّز تسابقه ...

.المسألة تحتاج تحكيم العقول ..
يا مفبرك الكذب افشطور منمقة ...

.عشق الوطن مو بعد ديسمبر يزول
عشق الوطن عار ان مثلك ينطقه.

.نعرف نوايا زمرتك ... محد جهول ..
كل ما بدر من غدر أمور موثقّة .

.يوم الوطن احتاج وقفات و فعول
و أعوان تدحر شر ناس تفتقه ... .

.زوّدت بجروحه و صعبّت الحلول
و صديت عنه قلت قلعه تلحقه.

.وين انته و وين الشعر ياللي تقول :
إن الوطن روحك و انك تعشقه ؟

يسلمووووووووووووووووو حبيبتي

ملكتَ اللهجة والإحساس
دمجت الوزن بالمقياس
لكي أسمع ترانيمك
وللمعنى أهز الراس
وأرفقها بإعجابي
لأنّك بالفعل نبراس

تحياتي...